عمران طاہر

بھارتی بورڈ کا ایشیا کپ میں ٹیم نہ بھیجنے کا فیصلہ، عمران طاہر پاکستان کی حمایت میں آگئے

لاہور (عکس آن لائن)جنوبی افریقی کرکٹر عمران طاہر نے بھارتی بورڈ کے ایشیا کپ 2023 کے لیے اپنی ٹیم کو پاکستان نہ بھیجنے کے فیصلے پر ردعمل کا اظہار کرتے ہوئے کہا ہے کہپاکستان اور بھارت کا مقابلہ شائقین دیکھنا چاہتے ہیں۔ ایک انٹرویومیں عمران طاہر نے کہا کہ پاکستان اور بھارت کا مقابلہ شائقین دیکھنا چاہتے ہیں، پاک بھارت مقابلہ کہیں بھی ہو لوگ دلچسپی لیتے ہیں، پاکستان میں شائقین یہ مقابلہ دیکھنا چاہتے ہیں۔انہوں نے کہا مجھے لگتا ہے اور میری خواہش بھی ہے کہ پاکستان میں مقابلہ ہو، دعا ہے بھارت کی ٹیم یہاں آئے اور کھیلے، پاکستان میں سکیورٹی کے حوالے سے حالات بہت اچھے ہیں۔

عمران طاہر نے بھارتی ٹیم کیلئے کہا کہ یہاں آئیں، ماحول پروفیشنل اور محفوظ ہے، یہاں کا کراؤڈ غیر ملکی ٹیموں کی بہت پزیرائی کرتا ہے، میں چھ سات برسوں سے آ رہا ہوں، مجھے بہت محبت ملی ہے۔جنوبی افریقی کرکٹر نے کہا کہ مجھے امید ہے کہ بہت جلد پاکستان گھومنے پھرنے کا موقع ملے گا، غیر ملکی کھلاڑیوں کو بھی پاکستان دیکھنے کا موقع ملے گا، یہاں جو ماحول ٹیموں کو دیا جاتا ہے وہ میں نے پہلے کبھی نہیں دیکھا۔عمران طاہر نے کہا کہ پاکستان کرکٹ کیلئے ایک شاندار جگہ ہے، مجھے خوشی ہے کہ پی جے ایل میں کام کرنے کا موقع ملا ہے، جونیئر کی سطح پر لیگ ایک اچھا اقدام ہے۔

اپنا تبصرہ بھیجیں